Gemeenskap sorg dat polisie eetgoed kry

Gemeenskapslede van Florapark ontferm hulle nou oor polisie- en metro polisielede by die padblokkade op die R511 naby Saartjiesnek.

‘n Besorgde inwoner het verlede week op Facebook haar kommer uitgespreek oor die lede wat heeldag sonder verversings die padblokkade beman. Gemeenskapslede het onmiddellik gereageer en ‘n groep vroue het begin om daagliks kos en drinkgoed aan die dankbare polisie- en metrolede te verskaf. Op die foto is Mary-Jane, Dinie en Michelle Strydom van Florapark na hulle Vrydag sop en pannekoek by die manne afgelewer het.