Jericho-inwoners grawe gate vir water

Leon Basson, DA skaduminister vir water en sanitasie, sê hy was geskok met ‘n besoek aan Jericho. “Net een van die agt boorgate in die nedersetting werk en die inwoners loop kilometers ver om in die Sandslootrivier gate te grawe tot hulle water kry. Dan gooi hulle bleikmiddel in die water en laat staan dit om kieme dood te maak. Hulle deel die water met beeste en maak die gate met takke toe om te keer dat die diere nog daarvan drink,” het Basson gesê.”Nou het entrepreneurs hiervan te hore gekom en ry nou rond en verkoop water aan die inwoners. Die Madibeng-munisipaliteit kom baie ongereeld met watertrokke en kyk nie na die mense nie. Die instandhouding van die waterinfrastruktuur en dienslewering is swak.”Basson gaan nou die minister van water en sanitasie, Nomvula Mokonyane, vra om in te gryp. “Die munisipaliteit moet dringend meer boorgate sink en gereeld water aflewer.”

  AUTHOR
Daleen van Manen
Journalist

Latest News

COMMENTS

Top
Recommended Story x
Brits-inwoners stik in die stank