Hengelaars het die afgelope week sukses behaal vanaf Hartbeespoortdam se oewers met karp wat goed die katrolle laat sing het.
Hengelaars wat vanaf bote gehengel het was ook gelukkig en groot karp is geland. Jando Badenhorst hengel vanaf Ifafi Senior Burger Klub se oewer en land karp met gewigte wat gewissel het tussen vier en elf kilogram. Johan Scheepers hengel vanaf die boot en land karp met n gesamentlike gewig van 90kg. George Armstrong hengel by Kosmos en land n karp van 13.2kg.
Schoemansville-oewers het ook aan hengelaars goeie vangste gelewer.Hengelaars maak nie net gebruik van Tiger nuts Boilies en floaties nie, ‘n wit- en eiergeelpap het ook groot karp gelok.
Stuur asb foto’s van u vangste by Hartbeespoortdam aan Jan by 076 607 8956.
Hengelgroete