Hartbeespoort se derde Bybel-leesmarathon vind dié naweek vanaf 27 April tot 1 Mei by Jasmyn plaas.

Oud en jonk word uitgenooi om aan dié marathon deel te neem. “Ons het 59 ure om die Ou Testament te voltooi. Ons begin Donderdag van 09:00 tot 19:00, en Vrydag, Saterdag en Sondag van 06:00 – 19:00 en Mandag vanaf 06:00 tot 16:00,” sê organiseerder Maruschka Horn.
Nog ‘n marathon vir die Nuwe Testament word vir September beplan.
“Die Bybel-leesmarathon is ‘n gemeenskapsuitreiking en ons nooi enigeen wat wil deelneem om by ons aan te sluit.”
Daar sal ook gratis literatuur tydens die marathon uitgedeel word.
Kontak 082 332 2503 vir meer inligting.