Swemmers van formaat

Hartbeespoort Hoërskool het die eerste, tweede en derde plekke ingeryg by Hoërskool Brits se swemgala.

Die skool het 23 eerste plekke, 8 tweede plekke en 21 derde plekke gewen. Miré Greyling breek die 50m vlinderslag- en 50m vryslagrekords wat al van 2004 af staan. Die onder 15 aflosdogters breek een rekord terwyl die onder 15 aflosseuns en onder 19 aflosdogters elk twee nuwe rekords losswem.

‘n Hoërskool Hartbeespoort swemmer tydens die swemgala (Foto: Rochelle Naude)