Dit was weer ‘n goeie week vir hengelaars wat die Hartbeespoortdam-oewers besoek het.
Karpvangste is steeds baie goed en vis van tot 13kg is uitgetrek. Jan en Franco Duvenage hengel by Meerhofoewer, en land sewe karp waarvan die swaarste 9kg ingeweeg het.
Hengelaars het vanaf Ifafi se oewers ook groot karp geland. Spesie- en algemene hengel lewer goeie resultate. Geure wat tans vis is Banji van Super Cast en Heuning.
Boothengelaars was ook gedurende die naweek baie bedrywig en het goeie vangste uitgetrek. Sensational Angling het nuwe stokke bekend gestel wat aan hengelaars goeie afstand bied. Die Rocket Booster LR reeks word aangebied vir die doel.
Stuur asb foto’s van vangste by Hartbeespoortdam aan Jan by 076 607 8956.
Hengelgroete