Terugvoering van hengelaars wat die week Hartbeespoortdam se oewers besoek het, is dat daar baie min aksie was en dat karpvangste afgeneem het.
Hengelaars het vanaf bote ook probeer om Harties se groot karp te vang, maar met baie min geluk. Daar was wel inligting op Facebook dat daar hengelaars was wat wel karp vanaf Schoemansville-oewers, Ifafi Aquatic Klub en Kommandonek geland het.
Supercast het nuwe geursels bekend gestel, SVB’s DUO, wat uit die volgende gemengde geure bestaan: Perdeby & Tjop Tjop, Black Widow & Juana, Tracer & Banj. I Sensational Angling het ook nuwe lyne bekend gestel: DC Pro, Adapt en Rocket. Die Adapt-reeks word aanbeveel vir spesiehengelaars wat afstand hengel en dit beskik oor ‘n goeie knoopsterkte.
Stuur aseblief foto’s van vangste by Hartbeespoort aan Jan by
076 607 8956.
Hengelgroete