Kom geniet ‘n heerlike dag saam met die inwoners by Die Oord PV3 op 4 Mei. Dit beloof om ‘n dag vol pret en plesier te wees!
Die Oord PV3 is ‘n nie-winsgewende sentrum wat intellektueel gestremde volwassenes lewenslank versorg en maak staat op donasies om die deure oop te hou.
Dewald Maritz, bekende sanger en omroeper by HartiesFM, sal by die kermis optree. Met ‘n loopbaan van 30 jaar in die musiekbedryf, sal hy vir die beste Golden Oldies en Country-musiek sorg
Ander aktiwiteite waarna besoekers kan uitsien is:
• Groot Wit Olifant verkoping: Moenie die winskopies misloop nie!
• Sangkompetisie en karaoke: Laat jou stem hoor en sing jou hart uit!
• Lekker kosstalletjies: Kom proe die heerlike smake van ons plaaslike lekkernye.
• Plaasstal en tuisnywerheid: Vind unieke, handgemaakte produkte om te koop.
• Pannekoek en koffie: Bederf jouself met ‘n heerlike versnappering.
• Fotograaf: Laat ons jou spesiale oomblikke vasvang.
• Speletjies en Vermaak: Daar is hope pret vir die hele gesin.
Kaartmasjienfasiliteite is beskikbaar. Hekke open 09:00 tot 14:00.
Die Oord PV3 is geleë op die R513 pad reg oorkant Seasons Golf Estate. Neem die afrit na die Hartbeespoort Holiday Resort en volg die aanwysings na die Die Oord PV3.
Kontak 012 253 0750 of epos: uh@oordpv3.co.za vir meer besonderhede. Besoek ook Die Oord PV3 webwerf oordpv3.co.za of hul Facebook-blad.
Moenie hierdie heerlike dag misloop nie!