Hartbeespoort se Country Kickin’ Line Dancers het ‘n goue medalje en eerste plek tydens die jaarlikse internasionale danskompetisie, D.A.N.C.E International verower.
“Wat vanjaar se kompetisie so spesiaal gemaak het, is dat vier van die dansers beginners is. Die groep dansers het vir weke lank hul alles in oefening gegee en dit was ‘n plesier om te sien hoe hulle daagliks verbeter en as ‘n eenheid saamdans,” het Mandy Janse van Vuuren gesê.
Die beloning vir hulle harde werk was ‘n goue medalje en eerste plek in die kategorie ‘Kompeterend 21 en ouer – Klein groep lyndans’.
Die talentvolle dansers is Lindi Pickard, Kayla Stols, Mandy Janse van Vuuren, Daneria Viljoen, Brenchia Stols en Muriel Craye.
Country Kickin’ Line Dancers se volgende uitdaging is die American Dance Awards wat einde September 2024 plaasvind.
Belangstellendes kan Mandy kontak by 071 191 1519